በዩኒቨርሲቲዉ የባህል ትውውቅ ላይ ያተኮሩ የኪነጥበብ ስራዎች ቀረቡ

በአሶሳ ዩኒቨርሲቲ የተማሪዎችን ማህበራዊ ግንኙነትን የሚያጠናከር እንዲሁም የባህል ልውውጥን ዓላማ ያደረጉ የኪነ-ጥበብ ሥራዎች ቀርበዋል፡፡

 

በመድረኩ ላይ የአሶሳ ዩኒቨረትሲቲ የምርምር፣ ህትመት ስነምግባርና ስርጸት ዳይሬክተር ዶ/ር ዑመር ሸሪፍ ተገኝተዉ የመክፈቻ ንግግር ያደረጉ ሲሆን ኢትዮጵያ የብዙ ብሄር ብሔረሰቦች መገኛ ሀገር መሆኗን በማስታወስ ባህላችንን በአግባቡ መጠበቅ፣ ማክብር፣ ማልማት እና መጠቀም አስፈላጊ መሆኑን ጠቅሰዋል።

 

አክለዉም ኪነ-ጥበብ በሀገራችን እና በዩኒቨርሲቲው የልማት ዕቅድ ውስጥ አስፈላጊ ሚና እንዳለው ገልፀዉ በጥበብ አማካኝነት ትውልድን ማስተማር፣ ጥበብን የአዕምሮ ልማት መሳሪያ ማድረግ፣ ባህላችንን በጥናት መለየት እና ባህላዊ እሴቶቻችንን ለወጣቱ ትዉልድ በትክክል ማስተላለፍ አስፈላጊ እንደሆነ ተናግረዋል፡፡

 

በዝግጅቱ ላይ ግጥም፣ የባህላዊ አልባሳት ትርዒት፣ ባህላዊ ውዝዋዜዎችና ‘’አወር እና እፁ’’ የተሰኘ ትውፊታዊ ተውኔት ቀርበዋል።