ዩኒቨርሲቲዉ ከክልሉ ሥራ እና ክህሎት ቢሮ ጋር በጋራ ለመስራት የሚያስችል የጋራ ስምምነት ሰነድ ተፈራረመ

ዩኒቨርሲቲዉ እና የቤኒሻንጉል ጉሙዝ ክልል ስራ እና ክህሎት ቢሮ በጋራ ለመስራት በዛሬዉ ዕለት የስምምነት ሰነድ ተፈራርመዋል።

‎

‎በፊርማ ስነ ሥርዓቱ ላይ የዩኒቨርሲቲዉ ፕሬዚዳንት ዶ/ር ከማል አብዱራሂም የስምምነት ሰነድ መፈራረሙን ዓላማ ሲገልጹ ወጣቱ ከአልባሌ ቦታ እንዳይዉል ለመታደግ በሥራ ፈጠራ እና ክህሎት ልማት ላይ በጋራ ለመስራት ታስቦ መሆኑን ተናግረዋል።

‎

‎በተመሳሳይም የዩኒቨርሲቲዉ የምርምር እና የቴክኖሎጂ ሽግግር ም/ፕሬዚዳንት ዶ/ር አብደልሙህስን ሀሰን የአሶሳ ዩኒቨርሲቲ የተግባር ሳይንስ ሆኖ በመለየቱ የኢንዱስትሪዉን ችግር መፍታት የሚችሉ ተማሪዎችን ማሠልጠን እና ማስመረቅ ላይ የሚያተኩር በመሆኑ በጋራ ከክልሉ ስራ እና ክህሎት ቢሮ ጋር ለመስራት ስምምነት መደረጉ ሥራዎቻችንን እዉን ለማድረግ የሚያስችል ይሆናል ብለዋል።

‎

‎የክልሉ ሥራ እና ክህሎት ቢሮ ሀላፊ አቶ አብዱልሰላም ሸንገል በበኩላቸዉ የተሠጠንን ሀገራዊ የሪፎርም ሥራዎች ለመተግበር እና የላቀ አፈጻጸም ለማስመዝገብ ከዩኒቨርሲቲዉ ጋር በትብብር መስራት መቻላችን ቢሮዉን ዉጤታማ ለማድረግ ያስችለናል ብለዋል።

‎

‎በስምምነት ሰነዱ ላይ የስራ ፈጠረ እና ከህሎት ልማት ስልጠናዎችን ለወጣቶች መስጠት ፣ የጥናትእና ምርምር ሥራዎችን መስራት እና የቴክኒክና ሙያ ተቋማትን ለተግባር ትምህርት መሠልጠኛነት በጋራ ለመጠቀም ከተጠቀሱት ነጥቦች መካከል ናቸዉ።

‎

‎ በጋራ ስምምነት ሰነዱ ላይም የዩኒቨርሲቲዉ ፕሬዚዳንት ዶ/ር ከማል አብዱራሂም እና የክልሉ ስራ እና ክህሎት ቢሮ ሀላፊ አቶ አብዱልሰላም ሸንገል ፈርመዋል።