የትምህርት ፕሮግራሞችን ክለሳ ለማድረግ ለተመረጡ የዩኒቨርሲቲዉ ተማሪዎች የግንዛቤ መፍጠሪያ ስልጠና ተሰጠ

(የካቲት 12/2017 ዓ.ም) በአሶሳ ዩኒቨርሲቲ የትምህርት ፕሮግራሞችን ሀገራዊ እዉቅና (accrediatation) ለማሠጠት እና በተልእኮ ልየታ መሠረት ክለሳ ለማካሄድ ለተመረጡ የዩኒቨርሲቲዉ ተማሪዎች የግንዛቤ መፍጠሪያ ስልጠና ተሰጥቷል፡፡

የአካዳሚክ ፕሮግራም ዳይሬክተር ዶ/ር ወንድም መኩሪያዉ  የስልጠናዉ ዓላማ  ዩኒቨርሲቲዉ በተሠጠዉ ተልዕኮ ልየታ መሰረት የአካዳሚክ ፕሮግራሞችና የስርዓተ ትምህርት  ክለሳ ለማድረግ ተማሪዎች ግንዛቤ እንዲኖራቸዉ ለማድረግ እንደሆነ ተናግረዋል፡፡

በዉይይቱ ከተለያዩ ትምህርት ክፍሎት የተዉጣጡ ተማሪዎች የተሳተፉ ሲሆን በትምህርት ጥራት እና ማሻሻል ዳይሬክቶሬት ዳይሬክተር በሆኑት በዶ/ር ገለታ ፍቃዱ የግንዛቤ ማስጨበጫ ስልጠናዉ ተሰጥቷል።፡፡

በትናንትናዉ ዕለት ለተመረጡ ትምህርት ክፍል ተጠሪ መምህራን ተመሳሳይ ስልጠና መሰጠቱን መዘገባችን ይታወሳል፡፡