የተማሪዎችን አቀባበል አስመልክቶ ከአገልግሎት ሰጭ ሥራ ክፍሎች ጋር ዉይይት ተካሄደ

ዩኒቨርሲቲዉ ነባር ተማሪዎቹን ተቀብሎ ሰላማዊ የመማር ማስተማሩን ሥራ ከጀመረ ሰነባብቷል። አሁን ደግሞ ከፊት ለፊታችን ህዳር 16 እና 17/2017 ዓ.ም አዲስ የአንደኛ ዓመት ተማሪዎችን ተቀብሎ ለማስተማር የቅድመ ዝግጅት ሥራዎችን በማከናወን ላይ ይገኛል።

ከዚህ ጋርም ተያይዞ በተማሪዎች መሠረታዊ አገልግሎት ድን ሥር ከሚገኙ የተማሪዎች ምግብ ቤት ሠራተኞች፣ የመኝታ ቤት ተቆጣጣሪዎች ፣ የክሊኒክ እና የተማሪዎች ስብዕና ግንባታ ሠራተኞች ጋር ስለ አገልግሎት አሠጣጥ በዛሬዉ ዕለት አጭር ዉይይት ተካሂዷል።

ዉይይቱን የመሩት የአስተዳደርና ልማት ም/ፕሬዚዳንት ዶ/ር ጌታቸዉ አለሙ እና የተማሪዎች አገልግሎት ዲን መ/ር ጌታቸዉ ገለታ ናቸዉ።

በዉይይቱ ላይ ዶ/ር ጌታቸዉ አገልግሎት መስጠት በባህሪዉ ለሌሎች ራስን መስጠት በመሆኑ ዋጋዉ በገንዘብ የሚተመን ሳይሆን ማገልገል የህሊና እርካታ የሚያስገኝ ተግባር ነዉ ብለዋል።

መ/ር ጌታቸዉም ተማሪዎቻችን እኛን እናትና አባት አድርገዉ የሚኖሩ ስለሆኑ በቻልነዉ ልክ ልናገለግላቸዉ ይገባል ሲሉ ተናግረዋል።

ሠራተኞቹም ዉጤታማ ሥራዎችን ለመሥራት መስተካከል ቢችሉ ያሉአቸዉን ሀሳብና አስተያየት ሰጥተዋል።