የባህል ትውውቅ ላይ ያተኮሩ የኪነጥበብ ስራዎች ቀረቡ

የዩኒቨርስቲው ተማሪዎችን ማህበራዊ ግንኙነት ማጠናከር እንዲሁም የባህል ልውውጥን ዓላማ ያደረጉ የኪነጥበብ ስራዎች ቀረቡ።

የሀገር በቀል እውቀት ጥናት ኦፊሰር ዶ/ር አልማዝ ደቼ በመክፈቻ ንግግራቸው “ተማሪዎች በሚማሩበት አካባቢ ያለውን ባህል እንዲያውቁ እንዲሁም የራሳቸውን ባህል እንዲያስተዋውቁ እድሉን ለመፍጠርና አብሮነታቸውን ለማጠናከር እንዲህ አይነት መድረኮች ትልቅ ሚና ይኖራቸዋል” ብለዋል:: ዶ/ር አልማዝ አክለውም ዝግጅቱን ላስተባበሩ እና ተማሪዎች እና ባለሙያዎች ከፍ ያለ ምስጋናቸውን አቅርበዋል።

በዝግጅቱ ላይ ዬኬ ትውፊታዊ ቲያትርን ጨምሮ ግጥም፣የባህላዊ አልባሳት ትርዒት እና ባህላዊ ውዝዋዜዎች ለታዳሚው ቀርበዋል።