አሶሳ ዩኒቨርሲቲ የ2018 ዓ.ም የአቅም ማሻሻያ (Remedial) ተማሪዎችን እየተቀበለ ነዉ

(አሶሳ ዩኒቨርሲቲ፣ ታህሳስ 2/2018 ዓ/ም) አሶሳ ዩኒቨርሲቲ የ2018 ዓ.ም የትምህርት ዘመን አዲስ የተመደቡ የአቅም ማሻሻያ (Remedial) ተማሪዎችን እየተቀበለ ነው።

 

የዩኒቨርሲቲዉ የተማረዎች አገልግሎት ዲን የሆኑት መ/ር ደሳለኝ አየለ እንደገለፁት ከተለያዩ የሀገራችን ክፍሎች ወደ ዪኒቨርሲቲው የተመደቡ የአቅም ማሻሻያ ተጠቃሚ ተማሪዎች በሰላም እየገቡ እንደሆነ ገልጸዋል።

 

የተማሪዎችን ቅበላ ፕሮግራም በተሳካ ሁኔታ ለማስኬድ ቀደም ብሎ የቅበላ ኮሚቴ በማቋቋም ፣ በርካት ስራዎችን መሰራቱን መ/ር ደሳለኝ አየለ ተናግረዉ ተማሪዎች ሳይቸገሩ ወደ ዩኒቨርሲቲዉ እንዲገቡ ኮሚቴው የተለያዩ እገዛዎችን በማድረግ ያለ ምንም እንግልት እስከ መኝታ ክፍሎቻቸው የማድረስ ስራዎች እየተከናወነ እንደሚገኝ ተናግረዋል ።

 

መ/ር ደሳለኝ አያይዘውም በ2018 ዓ/ም ለዩኒቨርሲቲዉ ከ1670 በላይ የአቅም ማሻሻያ ተጠቃሚ ተማሪዎች እንደተመደቡ ገልፀዉ ዩኒቨርስቲውን ለተቀላቀሉት አዲስ የአቅም ማማሻያ ተማሪዎችም እንኳን ወደ ሁለተኛ ቤታችሁ ወደ ሆነው የሰላም፣ የፍቅር እና የጥበብ መፍለቂያ ዩኒቨርሲቲ በሰላም መጣችሁ ብለዋል።