ለአንደኛ ዓመት ተማሪዎች በዩኒቨርሲቲዉ ስለሚኖራቸዉ ቆይታ ገለፃ ተደረገላቸዉ

በፕሮግራሙ ላይ የካዳሚክ ጉዳዮች ምክትል ፕሬዚዳንት ዶ/ር መልካሙ ደሬሳ እና የአስተዳደርና ልማት ምክትል ፕሬዚዳንት ዶ/ር ጌታቸዉ ዓለሙ ተገኝቸዉ ለተማሪዎቹ የእንኳን ደህና መጣችሁ መልዕክት አስተላልፈዋል።

በአካዳሚክም ሆነ በአስተዳደርና ልማት ዘርፎች ለተማሪዎቹ የሚሰጡ አገልግሎቶች ላይ ያተኮረ ጥልቅ ገለፃ በሚመለከታቸዉ የሥራ ክፍል ሀላፊዎች ተሰጥቷል።

በመማር ማስተማሪ ዙሪያ በተማሪዎች ኦንላይን ምዝገባ አተገባበር፣ በe-learning፣ በትምህርት ጥራት እና በሥነ ምግባር ዙሪያ ገለፃ ተደርጎ የግንዛቤ ማስጨበጥ ስራ ተከናዉኗል።

በተመሳሳይም በአስተዳደር በኩል የመኝታ ቤት፣የምግብ ቤት እና የክሊኒክ አገልግሎቶች አሰጣጥ ህግና ስርዓት ተከትለዉ መገልገል እንደሚገባ እና እንዴት መጠቀም እንዳለባቸዉ ማብራሪያ ተሰጥቷል፡፡

በመጨረሻም በተደረገዉ ዉይይት ላይ ተማሪዎቹ መስተካከል የሚገባቸዉን አስተያየቶችና መልስ የሚፈልጉ ጉዳዮችን አንስተዉ ምላሽና ማብራሪያ ተሰጥቶባቸዋል፡፡