logo

አካታች ብሄራዊ ምክክሩን ከማሳካት አንጻር የምሁራን ሚና በሚል በአሶሳ ዩኒቨርሲቲ ምክክር እየተካሄደ ነው ---- ---- ----

(ሚያዚያ 29/2014 ዓ/ም. አሶሳ) የሰላም ሚኒስቴር ከአሶሳ ዩኒቨርሲቲ እና ከ“UNDP” በትብብር ባዘጋጀነዉ አካታች ብሄራዊ ምክክርና የምሁራን ሚና በኢትዮጵያ በሚል ሀገራዊ የምክክር ጉባኤ በዩኒቨርሲቲ አህመድ ናስር መታሰቢያ አዳራሽ በማካሄድ ላይ ይገኛል፡፡ በውይይቱ ላይም የኢፌድሪ የሰላም ሚኒስቴር ሚኒስትር ዴኤታ የሆኑት አቶ ታዬ ዴንዴአ፣ከሰላም ሚኒስቴር የመጡ አመራሮች፣ የዩኒቨርሲቲያችን ከፍተኛና መካከለኛ አመራሮች እና የዩኒቨርሲቲው ማህበረሰብ እንድሁም ጥሪ የተደረገላቸው እንግዶች ተገኝተዋል። ዩኒቨርሲቲው ከመማር ማስተማሩ ሥራ ጐን ለጐን የዲሞክራሲ ሥርዓት ግንባታን ለማጠናከርና ለዉጡን ተከትሎ በተከሰቱ አለመረጋጋቶች ይበልጥ ተጎጅ የሆኑትን የማህበረሰብ ክፍሎች ለመደገፍ በርካታ የምርምርና የማህበረሰብ አገልግሎት ሥራዎችን በማከናወን ላይ መሆኑን ገልፀው የምክክር መድረኩ ዓላማም በሀገራችን ኢትዮጵያ የብሄራዊ መግባባትን ማጎልበትና ህብረ ብሔራዊ አንድነትን ለማጠናከር የሚያስችሉ ውይይቶችን በማድረግ ሁሉም የማህበረሰብ ክፍሎች የበኩሉን ኃላፊነት እንዲወጣ ለማስቻል ታስቦ የተዘጋጀ የምክክር መድረክ መሆኑን የዩኒቨርሲቲው ፕሬዝዳን ዶ/ር ከማል አብዱረሂም በእንኳን ደህና መጣችሁ ምዕክት ባስተላፉበት ወቅት ገልፀዋል፡፡ የኢፌድሪ የሠላም ሚኒስቴር ሚኒስትር ዴኤታ የሆኑት አቶ ታዬ ዴንዴአ የውይይት መድረኩን ከፍተዋል፡፡“አካታች ብሄራዊ ምክክርና የምሁራን ሚና” በሚል ርዕስ የመነሻ ጽሑፍ ያቀረቡት የዩኒቨርሲቲያችን የፖለቲካ ሳይንስ መምህር የሆኑት መ/ር ሙሉጌታ አነበሳ ናቸው፡፡

hobi188

Image

Leave comment