logo

የአሶሳ ዩኒቨርሲቲ በግንባር ለሚገኘው ለጀግናዉ የሀገር መከላከያ ሰራዊትና ልዩ ኃይል አባላት ድጋፍ አደረገ

የአሶሳ ዩኒቨርሲቲ ከዚህ በፊት በግንባር ለሚገኘው ለጀግናዉ የሀገር መከላከያ ሰራዊት እና በሰላም እጦት ምክኒያት ከመኖሪያ ቀያቸው ተፈናቅለው በተለያዩ መጠለያ ጣቢያዎች ተጠልለው ለሚገኙ የማህበረሰብ ክፍሎች ከ10 ሚልዮን ብር በላይ የሚገመት የአይነትና የገንዘብ ድጋፍ ማድረጉ ይታወሳል። ዩኒቨርሲቲው በዚህ ዙርም የገና በዓልን ምክኒያት በማድረግ በክልሉ ውስጥ በሚገኙ ሶስት ግንባሮች በግዳጅ ላይ ለሚገኙ ለሀገር መከላከያ ሰራዊትና ለቤኒሻንጉል ጉሙዝ ክልል ልዩ ኃይል አባላት ለበዓል መዋያ ከ1.5 ሚልዮን ብር በላይ የሚሆን የምግብ ግብዓት ድጋፍ አድርጓል። በቀሽማንዶ ግንባር የዩኒቨርሲቲው ከፍተኛ አመራሮች፣ የቤኒሻንጉል ጉሙዝ ክልል ከፍተኛ አመራሮች፣የሀይማኖት አባቶች እና የሀገር ሽማግሌዎች በተገኙበት የዩኒቨርሲቲው ፕሬዝዳንት የሆኑት ዶ/ር ከማል አብዱረሂም ለጥምር ጦሩ አዛዥዎች ድግፉን አስረክበዋል።

Image

Leave comment