አሶሳ ዩኒቨርሲቲ  ከአስር የክልል ሴክተር  መስሪያቤቶች  ጋር  የጋራ የመግባቢያ ሰነድ  ተፈራረመ

ዩኒቨርሲቲው ሰኔ 15/2ዐዐ9 ዓ/ም ከክልሉ ሴክተር መስሪያቤቶች ጋር በጋራ ለመስራት እንዲችል የውል ስምምነት / Memorandum of understanding/ ተፈራርሟል፡፡

 

አሶሳ ዩኒቨርሲቲ  ከአስር የክልል ሴክተር  መስሪያቤቶች  ጋር  የጋራ የመግባቢያ ሰነድ  ተፈራረመ

ዩኒቨርሲቲው ሰኔ 15/2ዐዐ9 ዓ/ም ከክልሉ ሴክተር መስሪያቤቶች ጋር በጋራ ለመስራት እንዲችል የውል ስምምነት / Memorandum of understanding/ ተፈራርሟል፡፡የምርምርና  ማህበረሰብ  አገልግሎት  ም/ፕሬዝዳንት ዶ/ር ሃይማኖት ዲሳሳ በ መርሃ- ግብሩ መክፈቻ ላይ እንደተናገሩት  ዩኒቨርሲቲያችን ባዘጋጀዉ  የመግባቢያ ሰነድ  በጋራ ለመስራት  ጥሪ የተደረገላችሁ  የክልል ሴክተር  መስሪያቤት  ሃላፊዎች  በቅድሚያ ጥሪያችን  አክብራችሁ  እዚህ  በመገኘታችሁ  በዩኒቨርሲቲዉ  ስም  ከፍያለ  ምስጋናየን  እያቀረብኩ  በዛሬዉ ዕለት የምናደርገዉ  የዉል ስምምነት ማለት  የገንዘብ  እርዳታ  ሳይሆን  እዉቀትንና  ሃብትን በማቀናጀት  የጋራ  በሆኑ  እቅዶች ላይ  ተመስርቶ  የመስራት  ባህልን  ለማዳበር  ወሳኝ  ሚና  አለዉ ሲሉ  ገልፀዋል፡፡

ዶ/ር ሀይማኖት ዲሳሳ የመክፈቻ ንግግር ሲያደርጉ

ትስስሩን ለመፈጠር የታለመበት ዋና  ዓላማ ዩኒቨርሲቲዉ ከክልል ሴክተር  መስሪያ ቤቶች ጋር በትምህርት እና ስልጠና፣በስራ እድል ፈጠራ፣በቴክኖሎጅ ሽግግር እና በምርምር ተደጋግፎ ለመስራት ታስቦ የተደረገ የዉል ስምምነት ነዉ፡፡በዉል ስምምነቱ ከታቀፉት መስሪያ ቤቶች  ለምሳሌ ያክል  የቤ/ጉ/ክ/መ/ ክልል ምክርቤት ፣የቤ/ጉ/ክ/መ/ ፍትህ ቢሮ፣የኢ/ያ ኤሌክትሪክ  አገልግሎት አሶሳ ሪጅን፣ የቤ/ጉ/ክ/መ/ ባህልና ቱሪዝም ቢሮ እና የቤ/ጉ/ክ/መ/ ውሃ መስኖና ኢነርጅ ሃብት ቢሮ ይገኙበታል፡፡የሚፈጠረዉን ትስስርም  በማበረታት፣ ዘርፉን  በላቀ ሁኔታ በመምራት ፣በማስተባበር፣ በመከታተልና  በመደገፍ  ሃገራዊ  ተልዕኮዉን  በብቃት  እንዲወጡ  የእንዱስትሪ  ትስስር  ዳይሬክቶሬት  ዳሬክተር  መ/ር ከፊያለው  አስረድቷል፡፡

መ/ር ከፍያለዉ ገለታ የትስስሩን ዓላማ ሲያስረዱ

ከተሳታፊዎች የተሰጠ  አስተያየት  ይህ የመግባቢያ  ሰነድ ተዘጋጅቶ  መቅረቡ  ለዩኒቨርሲቲዉም ሆነ  ለክልሉ ሴክተር  መስሪያቤቶች  የሚሰጠዉ  አስተዋፅኦ  የጎላ መሆኑን  ገልፀው  በ2010ዓ.ም የበጀትዓመቱ ዕቅድ ላይ አካተን  በማቀድ  ተግባራዊ ማድረግ  ያጠበቅብናል ሲሉ ገልፀዋል፡፡

ተሳታፊዎች በሰነዱ ላይ አስተያዬታቸዉን ሲሰጡ
የዉል ስምምነት ሰነድ የፊርማ ሥነ ስርዓት ሲካሄድ

አሶሳ ዩኒቨርሲቲ የሥዕል አዉደ ርዕይ አካሄደ

ዩኒቨርሲቲዉ ከሰኔ 03-05/2009ዓ/ም በባንቡ ፓራዳይዝ ሆቴል ለ2ኛ ጊዜ ለእይታ ያቀረበዉ የሥዕል አዉደ ርዕይ የምረቃ በዓል ያደረገ ሲሆን ሥራዎቹ በፒካሶ የሥዕል አርት ክለብ በሰዓሊ ፋሲል ሙሉጌታ ከአሶሳ ዩኒቨርሲቲ የሥራ ፈጠራና ባህል ማዕከል ዳይረክቶሬት ጋር በመተባበር የተሠሩ መሆኑን መገንዘብ ተችለዋል፡፡

የተሰሩት ሥዕሎች በከፊል
አዉደ ርዕዩን የከፈቱት የአሶሳ ዩኒቨርሲቲ የምርምርና ማህበረሰብ አገልግሎት ምክትል ፕሬዚዳንት ዶ/ር ሀይማኖት ዲሳሳ እንዳሉት ዩኒቨርሲቲዉ እንደዚህ አይነት ልዩ ችሎታ ያላቸዉን ተማሪዎች ማጠናከርና እዉቅና መስጠት እንደሚያስፈልግ ጠቁመዉ ወደ ፊትም ዩኒቨርሲቲዉ ከጎናቸዉ እንደሚቆም ቃል ገብተዋል፡፡ የተሠሩት የሥዕል ሥራዎቹም ጥሩና አበረታች መሆናቸዉን ጭምር ተናግረዋል፡፡

 

ሰዓሊዉ የአሶሳ ዩኒቨርሲቲ የ4ኛ ዓመት የመካኒካል ኢንጅነሪንግ ተማሪ ሲሆን ወደዚህ ሙያ የተቀላቀለዉ የ2ኛ ዓመት ተማሪ እያለ መሆኑን ገልፀዋል፡፡ ተማሪዉ እስካሁን ለዚህ ሥራ በግሉ ከ ብር 10,000 በላይ እንዳወጣና ለኪነ-ጥበቡ እድገት የዩኒቨርሲቲዉ ድጋፍ እንደሚያስፈልግ አሳስበዋል፡፡ ይህንን አኩሪ ሥራ ራሱ ባቋቋመዉ ‘’ፒካሶ የሥዕል አርት ክለብ’’ ከሥሩ 750 አባላት በላይ በማሰለፍ እየተንቀሳቀሰ እንደሚገኝ ተማሪዉ ጨምሮ ገልፀዋል፡፡ 

ተመልካቹ የሥዕል ሥራዎቹን ሲጎበኙ
አንዳንድ አስተያዬት ሰጪዎች በተማሪ ፋሲል ሙሉጌታ የተሰሩት የሥዕል ሥራዎችን አድንቀዉ ይበልጥ ለማጠናከር የዩኒቨርሲቲዉ ድጋፍ ወሳኝ መሁኑን ገልፀዉ ዩኒቨርሲቲዉ የአርት (ኪነ-ጥበብ) ትምህርት ቤት ቢከፈትላቸዉ ከዚህ የበለጠ መስራት እና ብዙ ተከታዮችን ማፍራት እንደሚቻል ተናግረዋል፡፡

  

በአዉደ ርዕይዉ የተሳተፉት አስተያዬት ሲሰጡ


Copyright © 2016. All Rights Reserved.